hai jab tak dasht-paimaai salaamat — Hijab Abbasi

ham is shahr-e-jafaa-pesha se kuchh ummid kyaa rakkhein
yahaan is haav-hu mein khaamushi ko kaun likkhegaa

duaa hi vajh-e-karaamaat thoDi hoti hai
ghazab ki dhuup mein barsaat thoDi hoti hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa