aae kuchh abr kuchh sharaab aae — Faiz Ahmad Faiz

tum aae ho na shab-e-intizaar guzri hai
talaash mein hai sahar baar baar guzri hai

kab Thahregaa dard ai dil kab raat basar hogi
sunte the vo aaeinge sunte the sahar hogi

miri jaan aaj kaa gham na kar ki na jaane kaatib-e-vaqt ne
kisi apne kal mein bhi bhuul kar kahin likh rakhi hon masarratein

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

ik tarz-e-taghaaful hai so vo un ko mubaarak
ik arz-e-tamannaa hai so ham karte raheinge

jo talab pe ahd-e-vafaa kiyaa to vo aabru-e-vafaa gai
sar-e-aam jab hue muddai to savaab-e-sidq-o-vafaa gayaa

pyaaso raho na dasht mein baarish ke muntazir
maaro zamin pe paanv ki paani nikal paDe

fariyaad ai tasavvur-e-abru-e-dil-fareb
qible ki samt bhuul gayaa huun namaaz mein

bose gar ham ne liye hain to diye bhi tum ko
chhuT gae aap ke ehsaan se baraabar ho kar

rouun to khush ho ke piye hai vo mai
samjhe hai mausam ise barsaat kaa

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

kuchh aur koi abr-e-bahaari ko na samjhe
uDtaa hai ye rumaal mire dida-e-tar kaa