aankhon mein khvaab chubhan sone nahin deti hai — Ibn

ham yunhi khvaab bunte rahte hain
khel saaraa qazaa kaa hotaa hai

main khushi mein ghir ke udaas huun
koi aur is kaa sabab nahin

aise khud ko aziyyatein denaa
tu ne 'farrukh' kahaan se sikhaa hai

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

majmaa mein raqibon ke khulaa thaa tiraa juuDaa
kal raat ajab khvaab-e-pareshaan nazar aayaa

dekhte ham bhi hain kuchh khvaab magar haae re dil
har nae khvaab ki taabir se Dar jaataa hai

main tujh ko jaagti aankhon se chhu sakun na kabhi
miri anaa kaa bharam rakh le mere khvaab mein aa

kuchh usulon kaa nasha thaa kuchh muqaddas khvaab the
har zamaane mein shahaadat ke yahi asbaab the