khinch laati hai samundar se jazire sar-e-aab — Idris Azad

tire rang-o-bu ko bhi dekhte na khayaal thaa na majaal thi
jo sakat mili tujhe dekhne ki to rang-o-bu se nikal gae

main ne jitne bhi log dekhe hain
sab ke sinon mein rog dekhe hain

itne zaalim na bano kuchh to muravvat sikho
tum pe marte hain to kyaa maar hi Daaloge hamein

main to itnaa bhi samajhne se rahaa hon qaasir
raah takne ke sivaa aankh kaa maqsad kyaa hai

main apne aap se rahtaa huun duur eid ke din
ik ajnabi saa takalluf nae libaas mein hai

tum ne taaron ko rahnumaa jaanaa
ham ne taaron ki rahnumaai ki

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

'alvi' khvaahish bhi thi baanjh
jazba bhi naa-mard milaa

main nigaah-e-paak se dekhe thaa tire husn-e-paak ko is pe bhi
mire ji mein khvaahish-e-vasl thi tire dil mein bos-o-kanaar thaa

khvaahish-e-vasl kaa mazmun jo kisi satr mein thaa
kyaa kahun khat ko mire paDh ke vo kyaa kyaa uchhlaa

chhup nahin sakti chhupaane se mohabbat ki nazar
paD hi jaati hai rukh-e-yaar pe hasrat ki nazar

tiri vafaa mein mili aarzu-e-maut mujhe
jo maut mil gai hoti to koi baat bhi thi