main apne aap se rahtaa huun duur eid ke din — Idris Azad

tire rang-o-bu ko bhi dekhte na khayaal thaa na majaal thi
jo sakat mili tujhe dekhne ki to rang-o-bu se nikal gae

main ne jitne bhi log dekhe hain
sab ke sinon mein rog dekhe hain

khinch laati hai samundar se jazire sar-e-aab
jab miri aankh ko manzar ki tamanna ho jaae

itne zaalim na bano kuchh to muravvat sikho
tum pe marte hain to kyaa maar hi Daaloge hamein

main to itnaa bhi samajhne se rahaa hon qaasir
raah takne ke sivaa aankh kaa maqsad kyaa hai

tum ne taaron ko rahnumaa jaanaa
ham ne taaron ki rahnumaai ki

muddaton baa'd kabhi ai nazar aane vaale
iid kaa chaand na dekhaa tiri surat dekhi

main ajab ye rasm dekhi mujhe roz-e-id-e-qurbaan
vahi zabh bhi kare aur vahi le savaab ulTaa

furaat-e-chashm pe hai karbalaa ki tughyaani
darun-e-kufa-e-dil iid karne aayaa huun

iid ke baa'd vo milne ke liye aae hain
iid kaa chaand nazar aane lagaa iid ke baad

kyaa lutf-e-id hai jo agar tum se duur hon
guzregaa roz-e-id tasavvur mein aap ke

ham bhi usi ke saath gae hosh se 'said'
lamha jo qaid-e-vaqt se baahar chalaa gayaa