tum ne taaron ko rahnumaa jaanaa — Idris Azad

main ne jitne bhi log dekhe hain
sab ke sinon mein rog dekhe hain

khinch laati hai samundar se jazire sar-e-aab
jab miri aankh ko manzar ki tamanna ho jaae

itne zaalim na bano kuchh to muravvat sikho
tum pe marte hain to kyaa maar hi Daaloge hamein

main to itnaa bhi samajhne se rahaa hon qaasir
raah takne ke sivaa aankh kaa maqsad kyaa hai

main apne aap se rahtaa huun duur eid ke din
ik ajnabi saa takalluf nae libaas mein hai

tire rang-o-bu ko bhi dekhte na khayaal thaa na majaal thi
jo sakat mili tujhe dekhne ki to rang-o-bu se nikal gae

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

bosa jo rukh kaa dete nahin lab kaa dijiye
ye hai masal ki phuul nahin pankhuDi sahi

nikaalun kis tarah siine se apne tir-e-jaanaan ko
na paikaan dil ko chhoDe hai, na dil chhoDe hai paikaan ko

iid hai ham ne bhi jaanaa ki na hoti gar iid
mai-farosh aaj dar-e-mai-kada kyuun vaa kartaa

hamein bhi jalva-gaah-e-naaz tak lete chalo muusaa
tumhein ghash aa gayaa to husn-e-jaanaan kaun dekhegaa