aag paani se bhaap uThti rahi — Ijtiba Rizvi

is hirs-o-havas ke mele mein ham jins-e-mohabbat laae hain
sab saste maal ke gaahak hain ye mahngaa saudaa kaun kare

sajda vo hai ba-rabb-e-kaaba
jis ko qaid-e-haram nahin hai

khuub tamaashaa ham ko banaayaa aap tamaashaa aap hue
ham ko rusvaa karne nikle kaise rusvaa aap hue

ye hamaari aap ki duriyaan ye kabhi kabhi ki huzuriyaan
hain ajab tarah ki lagaavTein rah-o-rasm-e-dur-o-daraaz mein

ek din rindon ne masjid mein namaaz aa ke paDhi
dusre din use mai-khaana banaa kar chhoDaa

khirad ko khaana-e-dil kaa nigah-baan kar diyaa ham ne
ye ghar aabaad hotaa is ko viraan kar diyaa ham ne

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

thi kal dayaar-e-'ishq mein 'iduzzuhaa 'miraash'
ham kyaa galaa kaTaate 'ajab bheD-chaal thi

sardi aur garmi ke uzr nahin chalte
mausam dekh ke saahab ishq nahin hotaa

dil ek hai to kai baar kyuun lagaayaa jaae
bas ek ishq bahut hai agar nibhaayaa jaae

ishq in zaalimon ki duniyaa mein
kitni mazlum zaat hai ai dil