aziiz gar thaa ta'alluq to kis liye toDaa — Imdad Akash

us par hi bhejtaa hai vo aafat bhi maut bhi
shaayad use gharib kaa bachcha hai naa-pasand

ghurur-e-husn na kar jazba-e-zulekhaa dekh
kiyaa hai ishq ne yusuf ghulaam aashiq kaa

hamaari baat kaaTi jaa rahi hai
kisi kaa hausla baDhtaa rahaa hai

didaar-e-zul-jalaal pe aamaada ho gayaa
kyaa hausla nigaah-e-dil-e-naa-tavaan kaa thaa

kaam kyaa hai pa nahin chaahti himmat hargiz
ghair ke ghar se diyaa kijiye raushan apnaa

chaahiye khud pe yaqin-e-kaamil
hausla kis kaa baDhaataa hai koi

kyaa asar thaa jazba-e-khaamosh mein
khud vo khich kar aa gae aaghosh mein