ham ko aksar ye khayaal aataa hai us ko dekh kar — Imtiyaz Khan

kyaa yunhi khaamosh duniyaa se guzar jaaeinge ham
kyaa jo kahnaa hai vo sab kuchh an-kahaa rah jaaegaa

ehsaan zindagi pe kiye jaa rahe hain ham
man to nahin hai phir bhi jiye jaa rahe hain ham

raah-e-dil ko raund kar aage nikal jaaeinge log
aankh mein uThtaa ghubaar-e-qaafila rah jaaegaa

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

aansu falak ki aankh se Tapke tamaam raat
aur subh tak zamin kaa aanchal bhigo gae

uqaabi ruuh jab bedaar hoti hai javaanon mein
nazar aati hai un ko apni manzil aasmaanon mein