duniyaa gharib jaan ke hansti thi 'mir' par — Iqbal Umar

tamaam din mujhe suraj ke saath chalnaa thaa
mire sabab se mire ham-safar pe dhuup rahi

jin par nisaar naqd-e-sukun naqd-e-jaan kiyaa
un se mile to aisi nadaamat hui ki bas

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

us ki aankhon mein na jaane aks kis kaa thaa magar
ungliyon par ek lams-e-raaegaan meraa bhi thaa

jo un pe guzarti hai kis ne use jaanaa hai
apni hi musibat hai apnaa hi fasaanaa hai