sarhadein achchhi ki sarhad pe na ruknaa achchhaa — Irfan Siddiqi

bhuul jaaoge ki rahte the yahaan dusre log
kal phir aabaad kareinge ye makaan dusre log

sham-e-khema koi zanjir nahin ham-safaraan
jis ko jaanaa hai chalaa jaae ijaazat kaisi

us ki aankhein hain ki ik Dubne vaalaa insaan
dusre Dubne vaale ko pukaare jaise

khiraaj maang rahi hai vo shaah-baanu-e-shahr
so ham bhi hadiya-e-dast-e-talab guzaarte hain

hoshiyaari dil-e-naadaan bahut kartaa hai
ranj kam sahtaa hai elaan bahut kartaa hai

nafrat ke khazaane mein to kuchh bhi nahin baaqi
thoDaa saa guzaare ke liye pyaar bachaaein

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

balcony pe khaDi laDkiyaan kab sochti hain
ye jagah Thiik nahin aaina-daari ke liye

paap karo ji khol kar dhabbon ki kyaa soch
jab ji chaahaa dho liye gangaa-jal ke saath

zindagi se aise kaaTaa scene us ne ishq kaa
dekhtaa hai koi jaise film gaane kaaT kar

khudaa hamaari samaa'at ko jab rasaai de
vo jo bhi soche hamein duur se sunaai de