kar gayaa khamosh mujh ko der tak — Irshad Khan Sikandar

muddaton aankhein vazu karti rahin ashkon se
tab kahin jaa ke tiri diid ke qaabil huaa main

tum ne dekhaa nahin adaakaaron
un kaa chehra mire savaal ke baa'd

saare khvaabon ke intiqaal ke baa'd
aap aur vo bhi itne saal ke baa'd

zamaane par to khul kar hans rahaa thaa
tire chhute hi ro baiThaa hai paagal

hamin tum se hamesha milne aaein kyuun
tumhaare paanv mein mehndi lagi hai kyaa

mujh ko miTTi mein boyaa gayaa
meri miTTi shajar ho gai

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

namkin goyaa kabaab hain phike sharaab ke
bosaa hai tujh labaan kaa maze-daar chaTpaTaa

dil ke viraane mein ghume to bhaTak jaaoge
raunaq-e-kucha-o-baazaar se aage na baDho

masjid mein bulaate hain hamein zaahid-e-naa-fahm
hotaa kuchh agar hosh to mai-khaane na jaate

na vaaiz hajv kar ek din duniyaa se jaanaa hai
are munh saaqi-e-kausar ko bhi aakhir dikhaanaa hai