ai ahl-e-vatan shaam-o-sahar jaagte rahnaa — Jafar Malihabadi

banaanaa hai hamein ab apne haathon apni qismat ko
hamein apne vatan kaa aap beDaa paar karnaa hai

dilon mein hubb-e-vatan hai agar to ek raho
nikhaarnaa ye chaman hai agar to ek raho

vatan ke jaan-nisaar hain vatan ke kaam aaeinge
ham is zamin ko ek roz aasmaan banaaeinge

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jo ghair the vo isi baat par hamaare hue
ki ham se dost bahut be-khabar hamaare hue

pyaar ke bandhan khuun ke rishte TuuT gae khvaabon ki tarah
jaagti aankhein dekh rahi thiin kyaa kyaa kaarobaar hue