dilon mein hubb-e-vatan hai agar to ek raho — Jafar Malihabadi

banaanaa hai hamein ab apne haathon apni qismat ko
hamein apne vatan kaa aap beDaa paar karnaa hai

ai ahl-e-vatan shaam-o-sahar jaagte rahnaa
aghyaar hain aamaada-e-shar jaagte rahnaa

vatan ke jaan-nisaar hain vatan ke kaam aaeinge
ham is zamin ko ek roz aasmaan banaaeinge

main baDaa ho gayaa huun magar bachpanaa
mere dil se kabhi bhi gayaa hi nahin

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

'saif' andaaz-e-bayaan rang badal detaa hai
varna duniyaa mein koi baat nai baat nahin