banaanaa hai hamein ab apne haathon apni qismat ko — Jafar Malihabadi

dilon mein hubb-e-vatan hai agar to ek raho
nikhaarnaa ye chaman hai agar to ek raho

ai ahl-e-vatan shaam-o-sahar jaagte rahnaa
aghyaar hain aamaada-e-shar jaagte rahnaa

vatan ke jaan-nisaar hain vatan ke kaam aaeinge
ham is zamin ko ek roz aasmaan banaaeinge

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

jab shahr ke log na rastaa dein kyuun ban mein na jaa bisraam kare
divaanon ki si na baat kare to aur kare divaanaa kyaa

maanaa jivan mein aurat ik baar mohabbat karti hai
lekin mujh ko ye to bataa de kyaa tu aurat zaat nahin

haath se kho na baiThnaa us ko
itni khuddaariyaan nahin achchhi