ham aise be-hunaron mein hai jo saliqa-e-zist — Jamal Ehsani

isi ik baat par hai ittifaaq-o-ikhtilaaf us se
use aaina aur mujh ko piyaala achchhaa lagtaa hai

hazaar tarah ke the ranj pichhle mausam mein
par itnaa thaa ki koi saath rone vaalaa thaa

jo dil ke taaq mein tu ne charaagh rakkhaa thaa
na puchh main ne use kis tarah sitaara kiyaa

kisi bhi vaqt badal saktaa hai lamha koi
is qadar khush bhi na ho meri pareshaani par

vo log mere bahut pyaar karne vaale the
guzar gae hain jo mausam guzarne vaale the

vo bhi milne nai poshaak badal kar aayaa
main jo kal pairahan-e-khaak badal kar aayaa

jab ki pahlu se yaar uThtaa hai
dard be-ikhtiyaar uThtaa hai

dushmanon se kyaa gharaz dushman hain vo
doston ko aazmaa kar dekhiye

lutf-e-sohbat mataa-e-ulfat hai
kuchh kaho aur kuchh suno pyaare

yaad to haq ki tujhe yaad hai par yaad rahe
yaar dushvaar hai vo yaad jo hai yaad kaa haq

nikaal laae hain sab log us ke aks mein naqs
ye aaina abhi tayyaar hone vaalaa hai

ye aaj kaun si taqsir ho gai 'naami'
ki dost bhi to milaate nahin nazar ham se