vo log mere bahut pyaar karne vaale the — Jamal Ehsani

isi ik baat par hai ittifaaq-o-ikhtilaaf us se
use aaina aur mujh ko piyaala achchhaa lagtaa hai

hazaar tarah ke the ranj pichhle mausam mein
par itnaa thaa ki koi saath rone vaalaa thaa

jo dil ke taaq mein tu ne charaagh rakkhaa thaa
na puchh main ne use kis tarah sitaara kiyaa

kisi bhi vaqt badal saktaa hai lamha koi
is qadar khush bhi na ho meri pareshaani par

chaaron jaanib rachi hui hai ashkon ki bu-baas
is raste se guzre honge qaafile hijrat vaale

vo bhi milne nai poshaak badal kar aayaa
main jo kal pairahan-e-khaak badal kar aayaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

hotaa na koi kaar-e-zamaana mire supurd
bas apne kaarobaar-e-mohabbat ko dekhtaa

mohabbat phuul banne par lagi thi
palaT kar phir kali kar li hai main ne

bataayaa hai kisi ke ishq ne ham ko
ki duniyaa khubsurat bhi ho sakti hai

'taahir' khudaa ki raah mein dushvaariyaan sahi
ishq-e-butaan mein kaun si aasaaniyaan rahin