ab nahin koi baat khatre ki — Jaun Elia

bin tumhaare kabhi nahin aai
kyaa miri niind bhi tumhaari hai

ek qattaala chaahiye ham ko
ham ye ealaan-e-aam kar rahe hain

chaand ne taan li hai chaadar-e-abr
ab vo kapDe badal rahi hogi

ham ajab hain ki us ki baahon mein
shikva-e-naarasaai karte hain

us ke honThon pe rakh ke honTh apne
baat hi ham tamaam kar rahe hain

dil ki taklif kam nahin karte
ab koi shikva ham nahin karte

main to is Dar se kuchh nahin kahtaa
tu mabaadaa udaas ho jaave

nayaa saal divaar par Taang de
puraane baras kaa calendar giraa

aisaa hangaama na thaa jangal mein
shahr mein aae to Dar lagtaa thaa

phir is mazaaq ko jamhuriyat kaa naam diyaa
hamein Daraane lage vo hamaari taaqat se

ham ko Daraa kar, aap ko khairaat baanT kar
ik shakhs raaton-raat jahaangir ho gayaa

kabutaron mein ye dahshat kahaan se dar aai
ki masjidon se bhi kuchh duur jaa ke baiTh gae