kabutaron mein ye dahshat kahaan se dar aai — Nomaan Shauque

is baar intizaam to sardi kaa ho gayaa
kyaa haal peD kaTte hi basti kaa ho gayaa

vo saanp jis ne mujhe aaj tak Dasaa bhi nahin
tamaam zahr sukhan mein mire usi kaa hai

phir is mazaaq ko jamhuriyat kaa naam diyaa
hamein Daraane lage vo hamaari taaqat se

apni aahaT pe chaunktaa huun main
kis ki duniyaa mein aa gayaa huun main

vo tanz ko bhi husn-e-talab jaan khush hue
ulTaa paDhaa gayaa, miraa paighaam aur thaa

bas tire aane ki ik afvaah kaa aisaa asar
kaise kaise log the bimaar achchhe ho gae

khauf-e-mahshar na rahaa dil mein jo dekhaa main ne
pusht par mere gunaahon ke hai rahmat us ki

jiine vaale qazaa se Darte hain
zahr pi kar davaa se Darte hain

sahmaa sahmaa Daraa saa rahtaa hai
jaane kyuun ji bharaa saa rahtaa hai

shahr ki galiyon mein gahri tirgi giryaan rahi
raat baadal is tarah aae ki main to Dar gayaa

vo khaDaa hai ek baab-e-ilm ki dahliz par
main ye kahtaa huun use is khauf mein daakhil na ho

din bhar jo suraj ke Dar se galiyon mein chhup rahte hain
shaam aate hi aankhon mein vo rang puraane aa jaate hain