rakkhi thi tasvir tumhaari aankhon mein — Jeem Jazil

chhaanv chhaanv pukaartaa jaae
kaun karne lagaa safar mujh mein

main apne jism ke andar na dafn ho jaaun
mujhe vajud ke girte hue makaan se nikaal

ashk aankhon se ye kah kar niklaa
ye tire zabt ki had hai? had hai

ek bachcha saa be-sabab 'jaazil'
baiThaa rahtaa hai ruuTh kar mujh mein

zindagi tujh ko tire dard ke har ik pal ko
ham ne jis tarah guzaaraa hai khudaa jaantaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

haidar ye bazm-e-vaqt mein sham-e-hunar ki qadr
din bhar jalaa ke shab ko bujhaayaa gayaa huun main