kuchh vaqt apne saath guzaarungaa main 'zamir' — Yaseen Zameer

mumkin hai ashk ban ke rahun chashm-e-yaar mein
mumkin hai bhuul jaae gham-e-rozgaar mein

har aankh ik savaal tahi-dast ke liye
kab tak marungaa mere khudaa baar baar main

kis se karun main apni tabaahi kaa ab gila
khud hi kamaan-ba-dast huun khud hi shikaar main

muddat hui hai dast-o-garebaan hue hamein
ummid naa-umidi khudaa rozgaar mein

zanjir zulf-e-siyaah samundar nigaah-e-shokh
jaaun kahaan faraar kaa rasta koi to ho

jab ki pahlu se yaar uThtaa hai
dard be-ikhtiyaar uThtaa hai

ai dost is zamaan-o-makaan ke azaab mein
dushman hai jo kisi ko duaa-e-hayaat de

tikhe to ho pa sach kaho us vaqt kyaa karo
tum ko gale lagaa le agar pyaar se koi

itnaa batlaa mujhe harjaai huun main yaar ki tu
main har ik shakhs se rakhtaa huun sarokaar ki tu

jis ghaDi ghurte ho ghussa se
nikle paDtaa hai pyaar aankhon mein

idhar aa ham dikhaate hain ghazal kaa aaina tujh ko
ye kis ne kah diyaa gesu tire barham nahin pyaare