nikal aae tanhaa tiri rah-guzar par — Kaif Azimabadi

divaar-o-dar pe khuun ke chhinTe hain jaa-ba-jaa
bikhraa huaa hai rang-e-hinaa tere shahar mein

khushbu-e-hinaa kahnaa narmi-e-sabaa kahnaa
jo zakhm mile tum ko phulon ki qabaa kahnaa

tum samundar ki rifaaqat pe bharosa na karo
tishnagi lab pe sajaae hue mar jaaoge

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jaane kitnaa vaqt lagegaa khud se baahar aane mein
tanhaai kaa shor bahut hai shahron ke viraane mein

khauf hai dhund bhari raat hai tanhaai hai
mere kamre mein abhi raat hai tanhaai hai

badan par aaj khaamoshi lapeTe
chalaa aaya sadaa hone se pahle