muddat ke baa'd us ne jo ki lutf ki nigaah — Kaifi Azmi

peD ke kaaTne vaalon ko ye maalum to thaa
jism jal jaaeinge jab sar pe na saaya hogaa

gar Dubnaa hi apnaa muqaddar hai to suno
Dubeinge ham zarur magar naakhudaa ke saath

ghurbat ki ThanDi chhaanv mein yaad aai us ki dhuup
qadr-e-vatan hui hamein tark-e-vatan ke baad

ik khvaab khushi kaa dekhaa nahin dekhaa jo kabhi to bhuul gae
maangaa huaa tum kuchh de na sake jo tum ne diyaa vo sahne do

divaarein to har taraf khaDi hain
kyaa ho gae mehrbaan saae

dil ki naazuk ragein TuTti hain
yaad itnaa bhi koi na aae

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

hujum-e-gham se mili hai hayaat-e-nau mujh ko
hujum-e-dard se paayaa hai hausla main ne

koi gardish ho koi gham ho koi mushkil ho
jis ko aanaa ho hamaare vo muqaabil aae

koi davaa bhi nahin hai yahi to ronaa hai
sad ehtiyaat ki phailaa huaa corona hai