tum nahin aaoge khabar hai hamein — Khaleel Mamoon

hazaaron chaand sitaare chamak gae hote
kabhi nazar jo tiri maail-e-karam hoti

meri tarah se ye bhi sataayaa huaa hai kyaa
kyuun itne daagh dikhte hain mahtaab mein abhi

sab log hamein ek nazar aate hain
andaaza nahin hotaa hai ab chehron kaa

aisaa ho zindagi mein koi khvaab hi na ho
andhiyaari raat mein koi mahtaab hi na ho

lafzon kaa khazaana bhi kabhi kaam na aae
baiThe rahein likhne ko tiraa naam na aae

vo buraai sab se meri kar rahe hain
kyuun nahin karte bayaan achchhaaiyon ko

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

kahin vo aa ke miTaa dein na intizaar kaa lutf
kahin qubul na ho jaae iltijaa meri

khaDaa huaa huun sar-e-raah muntazir kab se
ki koi guzre to gham kaa ye bojh uThvaa de

ab jo patthar hai aadmi thaa kabhi
is ko kahte hain intizaar miyaan

hasb-e-maa'mul ek moD pe aaj
der tak teraa intizaar huaa