is shahr-e-fusun-gar ke azaab aur, savaab aur — Khalid Moin

lakirein khinchte rahne se ban gai tasvir
koi bhi kaam ho, be-kaar thoDi hotaa hai

haath chhuDaa kar jaane vaale
main tujh ko apnaa samjhaa thaa

munkashif! aaj talak ho na sakaa
main khalaa huun ki khalaa hai mujh mein

main ne tujh ko manzil jaanaa
tu mujh ko rasta samjhaa thaa

mohabbat ki to koi had, koi sarhad nahin hoti
hamaare darmiyaan ye faasle, kaise nikal aae

ajab pur-lutf manzar dekhtaa rahtaa huun baarish mein
badan jaltaa hai aur main bhigtaa rahtaa huun baarish mein

ai yaad-e-yaar dekh ki baa-vasf-e-ranj-e-hijr
masrur hain tiri khalish-e-naa-tavaan se ham

baad-e-shab-e-visaal na dekhun main daagh-e-hijr
yaa-rab charaagh-e-umr bujhaa de havaa-e-subh

shab-e-hijr yuun dil ko bahlaa rahe hain
ki din bhar ki biiti ko dohraa rahe hain

shaahid rahiyo tu ai shab-e-hijr
jhapki nahin aankh 'mushafi' ki

kab shab-e-vasl vo aayaa ki mire aur us ke
darmiyaan mein shab-e-hijraan kaa fasaana na rahaa

shab-e-hijraan jo mire ret pe aansu Tapke
hu-ba-hu yaar ki tasvir bani paai gai