hamaare daur ki taarikiyaan miTaane ko — Khalid Suhail

kashtiyaan mazbut sab bah jaaeingi sailaab mein
kaaghzi ik naav meri zaat ki rah jaaegi

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

ab kaargah-e-dahr mein lagtaa hai bahut dil
ai dost kahin ye bhi tiraa gham to nahin hai

ajiib dard kaa rishta hai saari duniyaa mein
kahin ho jaltaa makaan apnaa ghar lage hai mujhe

vaqt shaahid hai ki har daur mein iisaa ki tarah
ham salibon pe liye apni sadaaqat aae