karam ke baab mein apnon se ibtidaa kiyaa kar — Majeed Akhtar

saaraa hisaab-e-jaan-o-dil rakkhaa hai tere saamne
chaahe to de amaan mujhe chaahe to darguzar na kar

raat bhi chaand bhi samundar bhi
mil gae kitne gham-gusaar mujhe

zaraa Thahro ki paDh luun kyaa likhaa mausam ki baarish ne
miri divaar par likhti rahi hai daastaan vo bhi

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

maujud mere dil mein tumhaari jo yaad hai
ye meri milkiyat hai miri jaaedaad hai

'hilaal' aur ziyaada ho teraa zor-e-qalam
ye shaaeri tiri dil ki zabaan tak pahunchi

miri daastaan bhi ajiib hai vo qadam qadam mire saath thaa
jise raaz-e-dil na bataa sakaa jise daagh-e-dil na dikhaa sakaa