raat bhi chaand bhi samundar bhi — Majeed Akhtar

saaraa hisaab-e-jaan-o-dil rakkhaa hai tere saamne
chaahe to de amaan mujhe chaahe to darguzar na kar

zaraa Thahro ki paDh luun kyaa likhaa mausam ki baarish ne
miri divaar par likhti rahi hai daastaan vo bhi

karam ke baab mein apnon se ibtidaa kiyaa kar
zaraa si baat pe dil ko na yuun buraa kiyaa kar

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jab anjuman tavajjoh-e-sad-guftugu mein ho
meri taraf bhi ik nigah-e-kam-sukhan paDe

dard-e-dil chhoD jaaiye so kahaan
apni baahar to yahaan guzar hi nahin

kal ye ik uunT se kahtaa thaa shuturbaan 'majid'
kaun hogaa tire ghamzon pe fidaa mere baad