mire dil mein koi maasum bachcha — Manish Shukla

aakhir ham ko be-zaari tak le aai
har shai par girvida rahne ki aadat

chand lakirein to is darja gahri thiin
dekhne vaalaa Duub gayaa tasviron mein

kitni ujlat mein miTaa Daalaa gayaa
aag mein sab kuchh jalaa Daalaa gayaa

baat karne kaa hasin taur-tariqa sikhaa
ham ne urdu ke bahaane se saliqa sikhaa

miri aavaargi hi mere hone ki alaamat hai
mujhe phir is safar ke baa'd bhi koi safar denaa

ab apnaa chehra begaana lagtaa hai
ham ko thi sanjida rahne ki aadat

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

naasehaa mat kar nasihat dil miraa ghabraae hai
main use samjhun huun kab jo tujh se samjhaa jaae hai

rakh ke munh so gae ham aatishin rukhsaaron par
dil ko thaa chain to niind aa gai angaaron par

dil agar dil hai to vaabasta-e-gham bhi hogaa
nikhat-e-gul bhi kahin gul se judaa rahti hai

samajh sako to samajh lo miri nigaahon se
ki dil ki baat zabaan se kahi nahin jaati