sunaa hai raat puure chaand ki hai — Manish Shukla

aakhir ham ko be-zaari tak le aai
har shai par girvida rahne ki aadat

chand lakirein to is darja gahri thiin
dekhne vaalaa Duub gayaa tasviron mein

kitni ujlat mein miTaa Daalaa gayaa
aag mein sab kuchh jalaa Daalaa gayaa

baat karne kaa hasin taur-tariqa sikhaa
ham ne urdu ke bahaane se saliqa sikhaa

miri aavaargi hi mere hone ki alaamat hai
mujhe phir is safar ke baa'd bhi koi safar denaa

ab apnaa chehra begaana lagtaa hai
ham ko thi sanjida rahne ki aadat

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

raat majlis mein tire husn ke shoale ke huzur
shama ke munh pe jo dekhaa to kahin nuur na thaa

sab munajjam kahte hain ab hai baraabar raat din
sar se paa tak dekh kar zulf-e-daraaz-e-yaar ko

phir chheDaa 'hasan' ne apnaa qissa
bas aaj ki shab bhi so chuke ham