achchhi qismat achchhaa mausam achchhe log — Manzar Naqvi

us ke asbaab se niklaa hai pareshaan kaaghaz
baat itni thi magar khuub uchhaali ham ne

main baDaa ho gayaa huun magar bachpanaa
mere dil se kabhi bhi gayaa hi nahin

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

main badalte hue haalaat mein Dhal jaataa huun
dekhne vaale adaakaar samajhte hain mujhe

dil-e-haris hi apnaa na ho sakaa qaane
vagarna tere karam mein to kuchh kami na rahi

chaand ne taan li hai chaadar-e-abr
ab vo kapDe badal rahi hogi