raat paDte hi har ik roz ubhar aati hai — Marghoob Ali

sab mumkin thaa pyaar mohabbat hanste chehre khvaab-nagar
lekin ek anaa ne kitne bhole din barbaad kiye

main us ko bhuul jaaun raat ye maangi duaa main ne
karun kyaa main agar meri duaa vaapas palaT aae

hamein to yaad bahut aayaa mausam-e-gul mein
vo surkh phuul saa chehra khilaa huaa ab ke

bichhaD ke tujh se ajab haal ho gayaa meraa
tamaam shahr paraayaa dikhaai detaa hai

bhigi miTTi ki mahak pyaas baDhaa deti hai
dard barsaat ki bundon mein basaa kartaa hai

mujh ko barbaad khud hi honaa thaa
tum pe ilzaam be-sabab aae

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

meri aavaaz mire jism mein yuun gunjti hai
jaise sahraa mein koi dard ki maari aavaaz

jab sadaa suur ki gunjegi zamaane-bhar mein
ik farishte mein simaT aaegi saari aavaaz

bahut se dard to ham baanT bhi nahin sakte
bahut se bojh akele uThaane paDte hain