vaqt jab aaya to sab daave zabaani nikle — Maroof Raebarelvi

hamaare munh pe uDaataa huaa vo dhuul gayaa
hamin ne chalnaa sikhaayaa hamin ko bhuul gayaa

main pur-umid rahaa maarka koi bhi rahaa
magar ye raat ki jis ki koi sahar hi nahin

tire badan ki mahak ko gulaab se tashbih
ki jaise koi dikhaae charaagh suraj ko

yaqin maanav ki urdu jo bol saktaa hai
vo pattharon kaa jigar bhi TaTol saktaa hai

asar duaaon mein hotaa hai kis qadar 'maaruf'
balaaein dekhi hain ham ne saron se Talte hue

aap aur kuchh ghalat kahin tauba
jo ye kah de gunaahgaar hai vo

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

jo ghair the vo isi baat par hamaare hue
ki ham se dost bahut be-khabar hamaare hue

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

jab ki pahlu se yaar uThtaa hai
dard be-ikhtiyaar uThtaa hai

ye apni bebasi hai yaa ki apni be-hisi yaaro
hai apnaa haath un ke saamne jo khud bhikaari hain