asar duaaon mein hotaa hai kis qadar 'maaruf' — Maroof Raebarelvi

hamaare munh pe uDaataa huaa vo dhuul gayaa
hamin ne chalnaa sikhaayaa hamin ko bhuul gayaa

main pur-umid rahaa maarka koi bhi rahaa
magar ye raat ki jis ki koi sahar hi nahin

tire badan ki mahak ko gulaab se tashbih
ki jaise koi dikhaae charaagh suraj ko

yaqin maanav ki urdu jo bol saktaa hai
vo pattharon kaa jigar bhi TaTol saktaa hai

vaqt jab aaya to sab daave zabaani nikle
yaar samjhe the jinhein dushman-e-jaani nikle

aap aur kuchh ghalat kahin tauba
jo ye kah de gunaahgaar hai vo

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa