mat ponchh abru-e-araq-aalud haath se — Meer Hasan

na gharaz mujh ko hai kaafir se na din-daar se kaam
roz-o-shab hai mujhe us kaakul-e-khamdaar se kaam

taaki ibrat karein aur ghair na dekhein tujh ko
ji mein aataa hai nikalvaaiye do-chaar ki aankh

guzri hai raat mujh mein aur dil mein turfa sohbat
idhar to main ne ki aah udhar se vo karaahaa

mat bakht-e-khufta par mire hans ai raqib tu
hogaa tire nasib bhi ye khvaab dekhnaa

kaabe ko gayaa chhoD ke kyuun dil ko tu ai shaikh
Tuk ji mein samajhtaa to sahi yaan bhi to rab thaa

furqat ki shab mein aaj ki phir kyaa jalaaveinge
dil kaa diyaa thaa ek so kal hi jalaa diyaa

pyaaso raho na dasht mein baarish ke muntazir
maaro zamin pe paanv ki paani nikal paDe

manhus ek shakl hai jis se nahin faraar
parchhaain ki tarah se baraabar lagi hui

vaaqia ye hai ki rasta aur viraan ho gayaa
peD to apni taraf se phuul barsaate rahe

main rizq-e-mohabbat huun so baTtaa huun baraabar
jitnaa bhi kisi kaa huun main utnaa huun tumhaaraa

abhi to main ne faqat baarishon ko jhelaa hai
ab is ke baa'd samundar bhi dekhnaa hai mujhe

laD gai un se nazar khinch gae abru un ke
maarke ishq ke ab tir-o-kamaan tak pahunche