pechidgi-e-taba ki ye saaf hai dalil — Meer Mohammad Sultan Aaqil

shab-e-visaal mein he he vo un kaa sharmaa kar
dabi zabaan se kahnaa ki aarzu kyaa hai

phiki hai teri nasihat saath mere ghul machaa
shor se naaseh namak aa jaaegaa taqrir mein

gaaliyaan diin us ne be-ginti hamein
ham ne bose bhi to gin gin ke liye

ilaahi tu bhi pyaaraa but bhi pyaaraa phir sunun kis ki
idhar kuchh shaikh kahtaa hai aur us jaanib barahman bhi

asal mein jalva ye kis kaa hai tu hi kah vaaiz
teraa rab aur sahi meraa sanam aur sahi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dard-e-dil zindagi ki khushi pi gayaa
ik samundar hamaari nadi pi gayaa

jo tum na hogi to dil haveli saraae hogi
saraae jis mein hasin chehre rukaa kareinge

dilon ke biich na divaar hai na sarhad hai
dikhaai dete hain sab faasle nazar ke mujhe

ye chhaanv chhaanv na rovo 'zahir' dil ko sambhaalo
Dhali hai shaam magar yuun koi divaana huaa hai