tum mire khvaab mein nahin aanaa — Meraj Naqvi

ham tire hijr ki sabhi raatein
pi ke cigarette guzaar dete hain

khud-kushi bhi haraam hai yaa-rab
dil ki vahshat kaa kyaa 'ilaaj karun

niind mein bhi hai sharm chehre par
khvaab mein mujh se mil rahi ho kyaa

pahle hansne to do musibat par
phir ye socheinge kyaa kiyaa jaae

kyaa karte us se haath milaa kar bataaiye
dil kaise miltaa jis se tabi'at nahin mili

jaane kyon hijr ke sabhi mausam
tere lahje mein baat karte hain

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

aankhon ko sab ki niind bhi di khvaab bhi diye
ham ko shumaar karti rahi dushmanon mein raat

ham paDh rahe the khvaab ke purzon ko joD ke
aandhi ne ye tilism bhi rakh Daalaa toD ke

gulaab khvaab sitaare dhanak udaas charaagh
paDi hai fasl-e-mohabbat kaTi-kaTaai sabaa

tum ko maalum javaani kaa mazaa hai ki nahin
khvaab hi mein kabhi kuchh kaam huaa hai ki nahin