niind mein bhi hai sharm chehre par — Meraj Naqvi

kuchh aastinon ki majburiyaan bhi hoti hain
khushi se apni bhalaa saanp kaun paaltaa hai

khud-kushi bhi haraam hai yaa-rab
dil ki vahshat kaa kyaa 'ilaaj karun

tum mire khvaab mein nahin aanaa
TuuT jaate hain mere khvaab sabhi

pahle hansne to do musibat par
phir ye socheinge kyaa kiyaa jaae

kyaa karte us se haath milaa kar bataaiye
dil kaise miltaa jis se tabi'at nahin mili

ham tire hijr ki sabhi raatein
pi ke cigarette guzaar dete hain

mere khvaabon ke jharokon ko sajaate rahiye
na sahi vasl magar yaad to aate rahiye

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

khvaab hote hain dekhne ke liye
un mein jaa kar magar rahaa na karo

mujh ko khvaabon ke baagh mein laa kar
ghane jangal mein kho rahi hai raat