kuchh karo fikr mujh divaane ki — Mir Taqi Mir

jab ki pahlu se yaar uThtaa hai
dard be-ikhtiyaar uThtaa hai

maarka garm to ho lene do khun-rezi kaa
pahle shamshir ke niche hamin jaa baiTheinge

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

dil ki yak qatra khuun nahin hai besh
ek aalam ke sar balaa laayaa

mire saliqe se meri nibhi mohabbat mein
tamaam umr main naakaamiyon se kaam liyaa

chalte ho to chaman ko chaliye kahte hain ki bahaaraan hai
paat hare hain phuul khile hain kam-kam baad-o-baaraan hai

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tiri yaad mein thi vo be-khudi ki na fikr-e-naama-bari rahi
miri vo nigaarish-e-shauq bhi kahin taaq hi pe dhari rahi

dil ko honaa hai fanaa rahnaa hai qaaem aql ko
hasti-e-aadam kahaan jaae ye fitrat chhoD kar

ye hai khulaasa-e-ilm-e-qalandari ki hayaat
khadang-e-jasta hai lekin kamaan se duur nahin

raah aasaan dekh kar sab khush the phir main ne kahaa
soch liije ek andaaz-e-nazar meraa bhi hai