khutut aag mein jalte hain aur sikhon par — Miraash

thi kal dayaar-e-'ishq mein 'iduzzuhaa 'miraash'
ham kyaa galaa kaTaate 'ajab bheD-chaal thi

ghar palaT kar jo miri raushan-khayaali aai hai
shor hai shahr-e-sukhan mein phir divaali aai hai

jo mere banne se pahle ik intizaar banaa
us intizaar ke andar main baar baar banaa

khanak rahaa huun main nashshe mein chaabiyon ki tarah
khuli hai pyaas magar mai-kade pe taalaa hai

kis gardish-e-paiham mein miraa sho’la-e-dil hai
jaltaa hai lahu roghan-e-khurshid ki surat

gard aainon ki chaaron taraf hai jami hui
'aalam 'ajib shisha-gari ki dukaan hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

kyaa zaraa saa vaqt badlaa sab ne aankhein pher liin
bebasi par muskuraate hain mire ahbaab dekh

ghaTaaein khul ke barsin thiin chaDhe the dil ke dariyaa bhi
chaDhe dariyaaon kaa ik din utarnaa bhi zaruri thaa

main hikaayat-e-dil-e-be-navaa mein ishaarat-e-gham-e-jaavidaan
main vo harf-e-aakhir-e-motabar jo likhaa gayaa na paDhaa gayaa

tumhaare hijr mein kyuun zindagi na mushkil ho
tumhin jigar ho tumhin jaan ho tumhin dil ho