is liye chup hain ki koi nahin sunne vaalaa — Mirza Azam Ali Azam

zakhm kaari lagaa to chuum liyaa
qabza khanjar kaa haath qaatil kaa

zindagi bhar na yam-e-dida-e-giryaan Thahraa
kashti-e-umr Duboi to ye tufaan Thahraa

main baDaa ho gayaa huun magar bachpanaa
mere dil se kabhi bhi gayaa hi nahin

chupke se guzarte hain khabar bhi nahin hoti
din raat bhi kam-bakht javaani ki tarah hain

zamin ke aur taqaaze falak kuchh aur kahe
qalam bhi chup hai ki ab moD le kahaani kyaa

bachpan kitnaa pyaaraa thaa jab dil ko yaqin aa jaataa thaa
marte hain to ban jaate hain aasmaan ke taare log

'baaqi' jo chup rahoge to uTTheingi ungliyaan
hai bolnaa bhi rasm-e-jahaan bolte raho

ho gae chup hamein paagal kah kar
jab kisi ne bhi na samjhaa ham ko