agar hayaat hai dekheinge ek din didaar — Mirza Raza Barq

ham to apnon se bhi begaana hue ulfat mein
tum jo ghairon se mile tum ko na ghairat aai

na sikandar hai na daaraa hai na qaisar hai na jam
be-mahal khaak mein hain qasr banaane vaale

daulat nahin kaam aati jo taqdir buri ho
qaarun ko bhi apnaa khazaanaa nahin miltaa

ai sanam vasl ki tadbiron se kyaa hotaa hai
vahi hotaa hai jo manzur-e-khudaa hotaa hai

angDaai donon haath uThaa kar jo us ne li
par lag gae paron ne pari ko uDaa diyaa

hamaare aib ne be-aib kar diyaa ham ko
yahi hunar hai ki koi hunar nahin aataa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

jis ko kahte hain arsa-e-hasti
tausan-e-umr ki hai ik sarpaT

tang aa chuke hain kashmakash-e-zindagi se ham
Thukraa na dein jahaan ko kahin be-dili se ham

vahi kaarvaan vahi raaste vahi zindagi vahi marhale
magar apne apne maqaam par kabhi tum nahin kabhi ham nahin