daulat nahin kaam aati jo taqdir buri ho — Mirza Raza Barq

ham to apnon se bhi begaana hue ulfat mein
tum jo ghairon se mile tum ko na ghairat aai

na sikandar hai na daaraa hai na qaisar hai na jam
be-mahal khaak mein hain qasr banaane vaale

agar hayaat hai dekheinge ek din didaar
ki maah-e-eid bhi aakhir hai in mahinon mein

ai sanam vasl ki tadbiron se kyaa hotaa hai
vahi hotaa hai jo manzur-e-khudaa hotaa hai

angDaai donon haath uThaa kar jo us ne li
par lag gae paron ne pari ko uDaa diyaa

hamaare aib ne be-aib kar diyaa ham ko
yahi hunar hai ki koi hunar nahin aataa

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

be-sabab 'raaghib' taDap uThtaa hai dil
dil ko samjhaanaa paDegaa Thiik se

ek hi tiir hai tarkash mein to ujlat na karo
aise mauqe pe nishaanaa bhi ghalat lagtaa hai

thaa anal-haq lab-e-mansur pe kyaa aap se aap
thaa jo parde mein chhupaa bol uThaa aap se aap

darakhton par parinde lauT aanaa chaahte hain
khizaan-rut kaa guzar jaanaa zaruri ho gayaa hai