rahbar bhi ye hamdam bhi ye gham-khvaar hamaare — Mohammad Asadullah

ik dandanaati rail si umrein guzar gaiin
do pTriyon ke beach vahi faasle rahe

mahak uThi hai fazaa pairahan ki khushbu se
chaman dilon kaa khilaane ko eid aai hai

ai jaate baras tujh ko saunpaa khudaa ko
mubaarak mubaarak nayaa saal sab ko

aab-dida huun main khud zakhm-e-jigar se apne
teri aankhon mein chhupaa dard kahaan se dekhun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

main ne apni palkon par gham-kade sajaae hain
aarzu ke maatam mein sogvaar hasti hai

husn jalva dikhaa gayaa apnaa
ishq baiThaa rahaa udaas kahin