mahak uThi hai fazaa pairahan ki khushbu se — Mohammad Asadullah

rahbar bhi ye hamdam bhi ye gham-khvaar hamaare
ustaad ye qaumon ke hain meamaar hamaare

ik dandanaati rail si umrein guzar gaiin
do pTriyon ke beach vahi faasle rahe

ai jaate baras tujh ko saunpaa khudaa ko
mubaarak mubaarak nayaa saal sab ko

aab-dida huun main khud zakhm-e-jigar se apne
teri aankhon mein chhupaa dard kahaan se dekhun

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

ye kaisi jagah hai ki dil kho rahaa hai
bayaabaan hai sahraa hai gulshan hai kyaa hai

dilon mein nuur hai tarsil-e-gosh-e-kar bhi ho
payaam jaate nahin tarz-e-lan-taraani mein

dil-e-fasurda mein kuchh soz o saaz baaqi hai
vo aag bujh gai lekin gudaaz baaqi hai