nazar ke paar bhi sabza bichhaa hai — Mohammad Mazhar Niyazi

tu bahut khush nazar aataa hai mujhe itnaa bataa
mujh se pahle bhi koi shakhs yahaan aayaa thaa

main na miltaa agar masaafat ko
raaste ki thakan kahaan jaati

hazaaron aankhein mujhe be-zabaan samajhti hain
jo dekhtaa hai main us ko sunaai detaa huun

nuur se duur siyah-raat mein zinda rahnaa
kitnaa mushkil hai mazaafaat mein zinda rahnaa

ye kamra band hai chaaron taraf se
udaasi kis taraf se aa rahi hai

shahr chhoTaa hai magar dil hai kushaada itnaa
ham baDe shahr mein hote to samundar hote

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

dil mein na ho jurat to mohabbat nahin milti
khairaat mein itni baDi daulat nahin milti

ishq ho jaaegaa meri daastaan-e-ishq se
raat bhar jaagaa karoge is kahaani ke liye

be-vafaa tum baa-vafaa main dekhiye hotaa hai kyaa
ghaiz mein aane ko tum ho mujh ko pyaar aane ko hai

ishq-baazon ki kahin duniyaa mein shunvaai nahin
in gharibon ki qayaamat mein samaaat ho to ho