rang badlaa huaa thaa phulon kaa — Mohammad Mustahsan Jami

bin dekhe bhi chain nahin hai 'mustahsan'
dekhun to saari binaai jaati hai

tiri lab-kushaai pe munhasir miri zindagaani hai dostaa
tiraa bolnaa bhi qubul hai tiri khaamushi bhi aziiz hai

lutf ki in pe koi khaas nazar hai ki nahin
apne maston ki koi khair-khabar hai ki nahin

sivaae is ke koi bhi masrufiyat nahin hai
main in dinon bas charaagh taqsim kar rahaa huun

duniyaa ke qaafile mein ravaana hain is liye
ham bhi munaafiqin ki pahchaan kar sakein

ham talvaar uThaa nahin paae
ham aavaaz uThaa sakte the

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

vaqt ik zarb lagaae to ghazal hoti hai
dard agar dil mein samaae to ghazal hoti hai

ek majzub udaasi mere andar gum hai
is samundar mein koi aur samundar gum hai

baat to jab hai ki jazbon se sadaaqat phuTe
yuun to daavaa hai har ik shakhs ko sachchaai kaa