maashuq se bhi ham ne nibhaai baraabari — Momin Khan Momin

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

kuchh qafas mein in dinon lagtaa hai ji
aashiyaan apnaa huaa barbaad kyaa

shab jo masjid mein jaa phanse 'momin'
raat kaaTi khudaa khudaa kar ke

tu kahaan jaaegi kuchh apnaa Thikaana kar le
ham to kal khvaab-e-adam mein shab-e-hijraan honge

na maanungaa nasihat par na suntaa main to kyaa kartaa
ki har har baat mein naaseh tumhaaraa naam letaa thaa

tum hamaare kisi tarah na hue
varna duniyaa mein kyaa nahin hotaa

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

haan vo din yaad hain jab ham bhi kahaa karte the
ishq kyaa chiiz hai is ishq mein kyaa hotaa hai

sitam-koshi mein dil-sozi bhi shaamil hoti jaati hai
mohabbat aur mushkil aur mushkil hoti jaati hai

ishq mein be-taabiyaan hoti hain lekin ai 'hasan'
jis qadar bechain tum ho us qadar koi na ho