tum ko samjhaae 'mubaarak' koi kyunkar afsos — Mubarak Azimabadi

dil lagaate hi to kah deti hain aankhein sab kuchh
aise kaamon ke bhi aaghaaz kahin chhupte hain

kuchh is andaaz se sayyaad ne aazaad kiyaa
jo chale chhuT ke qafas se vo giraftaar chale

tiri adaa ki qasam hai tiri adaa ke sivaa
pasand aur kisi ki hamein adaa na hui

miri khaak bhi uDegi baa-adab tiri gali mein
tire aastaan se unchaa na miraa ghubaar hogaa

jabin par khaak hai ye kis ke dar ki
balaaein le rahaa huun apne sar ki

rahne de apni bandagi zaahid
be-mohabbat khudaa nahin miltaa

jab ki pahlu se yaar uThtaa hai
dard be-ikhtiyaar uThtaa hai

ham ko yaaron ne yaad bhi na rakhaa
'jaun' yaaron ke yaar the ham to

itnaa batlaa mujhe harjaai huun main yaar ki tu
main har ik shakhs se rakhtaa huun sarokaar ki tu

jis ghaDi ghurte ho ghussa se
nikle paDtaa hai pyaar aankhon mein

baagh-e-jahaan ke gul hain yaa khaar hain to ham hain
gar yaar hain to ham hain aghyaar hain to ham hain

ai dost tujh ko rahm na aae to kyaa karun
dushman bhi mere haal pe ab aab-dida hai