kuchh is andaaz se sayyaad ne aazaad kiyaa — Mubarak Azimabadi

dil lagaate hi to kah deti hain aankhein sab kuchh
aise kaamon ke bhi aaghaaz kahin chhupte hain

tiri adaa ki qasam hai tiri adaa ke sivaa
pasand aur kisi ki hamein adaa na hui

tum ko samjhaae 'mubaarak' koi kyunkar afsos
tum to rone lage yaar aur bhi samjhaane se

miri khaak bhi uDegi baa-adab tiri gali mein
tire aastaan se unchaa na miraa ghubaar hogaa

jabin par khaak hai ye kis ke dar ki
balaaein le rahaa huun apne sar ki

rahne de apni bandagi zaahid
be-mohabbat khudaa nahin miltaa

mere khvaabon ke jharokon ko sajaate rahiye
na sahi vasl magar yaad to aate rahiye

suune kitne baam hue kitne aangan be-nur hue
chaand se chehre yaad aate hain chaand nikalte vaqt bahut

thiin tumhaari jis pe navaazishein kabhi tum bhi jis pe the mehrbaan
ye vahi hai 'akhtar'-e-muslimi tumhein yaad ho ki na yaad ho

zindagi kyaa hue vo apne zamaane vaale
yaad aate hain bahut dil ko dukhaane vaale

ye be-sabab nahin aae hain aankh mein aansu
khushi kaa lamha koi yaad aa gayaa hogaa

zaraa yaadon ke hi patthar uchhaalo
navaah-e-jaan mein sannaaTe bahut hain